鉀皂七號 - 手作松香洗潔精 (雅典娜DIY遊樂場)

鉀皂七號 - 手作松香洗潔精

雅典娜 | 26-Jul-07, 7:31 PM | 做皂記 | (1216 Reads)

Photo Sharing and Video Hosting at Photobucket

雖然天氣好熱,十萬個不願意對著個爐.但無可否認這炎熱的天氣是做鉀皂的理想時間.鉀皂六號,軟油重都只要半個鐘就trace.在冬天,我試過要兩個多小時...於是我又多做了鉀皂七號...

材料:

椰子油 90g

蓖麻油 50g

芥花籽油 100g

棕櫚油 100g

葡萄籽油 50g

葵花籽油 50g

松香 50g

因為這個洗潔精主要是為有主婦手問題的老媽準備的,所以油種無咁名貴,但又唔想太差.不得不提的是松香這隻原料.

其實松香是我從台灣訂回來的.個様十足十冰糖一様.早已於網上看到松香難溶和黏底的問題,所以嚴陣以待.網上有説直接用明火煮溶松香,因為松香要比較高溫才會溶解.但既然需要高溫,我決定先加椰子油去溶松香.為怕難溶,我一早己把冰糖狀的松香打碎為砂糖狀.果然,松香一下鍋就開始溶成麥芽糖狀,還黏著鍋底.要不停攪拌.但粉狀的松香並没有我想像中的難溶.只是多要一點時間.

把松香溶掉後,我才把其他油加入.做法跟平時一模一様.但可怕的事情就發生咗...

我早聞松香會加快trace的速度,但結果係完全出乎意料之快.由加入鹼液到trace前後應該只有2-3分鐘.加上皂液好似火山爆發般,一時間把我殺個措手不及...

所以奉勸要用松香做鈉皂的皂友要"克制"松香的分量.假如你是一個無耐性等trace的人,加點松香做皂就準没錯,又快trace又有松樹香味,真係一舉兩得!

留言(35) | 引用(0)

[35] Re: 雅典娜

又會差咁遠ge?!我d松香都係香草工房買的.我整碎咗好似碎冰糖咁加落去.但係我記得一加咗松香就變啡.仲好快trace.我見人哋d松香皂都係啡啡哋ga.你果d有無相睇吓呀?照睇大家d油種都係差唔多.真係唔係好明白....

好呀，我遲放上blog到！
啲松香買果時到碎碎地，我就咁加落其它油到加熱，不過我見温度都機高，成80幾90度，我咪息火，佢未溶曬架，又黏底喎！我就咁攞支温度計"了"吓"了"吓佢，咁就慢慢溶咗啦，佢又唔係好快trace，都係一般咁耐！我都唔係好明^^"

[引用] | 作者 mi | 28-Mar-08 9:41 PM | [舉報垃圾留言]

[34] Re: mi

mi : 雅典娜 :我鍋皂應該是深棕色的.因為影相出嚟的效果好黑咁,我"較"光咗張相先至望落似紅色.唔知會唔會是松香的關係呢?你的松香係咩色ga?我啲松香都係香草工房買，係好似冰糖咁色，但係碢鉀皂係黄色！我嘅油係：葡萄籽油200g 葵花籽油200g 椰子油50g 松香50g

又會差咁遠ge?!我d松香都係香草工房買的.我整碎咗好似碎冰糖咁加落去.但係我記得一加咗松香就變啡.仲好快trace.
我見人哋d松香皂都係啡啡哋ga.你果d有無相睇吓呀?照睇大家d油種都係差唔多.真係唔係好明白....

[引用] | 作者雅典娜 | 28-Mar-08 12:01 PM | [舉報垃圾留言]

[33] Re: 雅典娜

雅典娜 :
我鍋皂應該是深棕色的.因為影相出嚟的效果好黑咁,我"較"光咗張相先至望落似紅色.唔知會唔會是松香的關係呢?你的松香係咩色ga?

我啲松香都係香草工房買，係好似冰糖咁色，但係碢鉀皂係黄色！
我嘅油係：葡萄籽油200g 葵花籽油200g 椰子油50g 松香50g

[引用] | 作者 mi | 27-Mar-08 5:57 PM | [舉報垃圾留言]

[32] Re: mi

mi :
你好呀雅典娜！我作天剛做了一碢松香鉀皂，是黄色的！點解你碢松香皂紅色咁靚嘅？

我鍋皂應該是深棕色的.因為影相出嚟的效果好黑咁,我"較"光咗張相先至望落似紅色.唔知會唔會是松香的關係呢?你的松香係咩色ga?

[引用] | 作者雅典娜 | 27-Mar-08 4:59 PM | [舉報垃圾留言]

[31]

你好呀雅典娜！我作天剛做了一碢松香鉀皂，是黄色的！點解你碢松香皂紅色咁靚嘅？

[引用] | 作者 mi | 27-Mar-08 1:22 PM | [舉報垃圾留言]

[30]

可以.不過一般的氫氧化鉀的純度都不足.以我手上的為例,純度只有86%.所以要超脂的話,記緊要看清楚手上的氫氧化鉀純度,補足所需的氫氧化鉀的數量才計算超脂.

[引用] | 作者雅典娜 | 14-Oct-07 6:03 PM | [舉報垃圾留言]

[29]

請問鉀皂可以超脂嗎 ?

[引用] | 作者 joanne | 14-Oct-07 2:07 PM | [舉報垃圾留言]

[28]

joanne,我看網上的資料,松香應該是質素越好顏色越淺色的.
但我想這應該没太大影響的.反正松香的百份比不是太高.
我的鉀皂是半冷製啦!因為我煮到trace以後就放落我的保暖飯壺保暖.中間我無理佢又無再加熱.依家天氣咁熱.擺在飯壺幾日已經見透的了.總之你煮到trace找方法保暖就是了.有問題大家再交流吧!鉀皂真的不難做的.

[引用] | 作者雅典娜 | 21-Aug-07 5:50 PM | [舉報垃圾留言]

[27]

雅典娜 :我已經買了松香,一盒hk5.00, 有26克,但很奇怪,買了二盒,一盒咖啡色,一盒黑色,不似以前買的像冰糖. 我想跟你做松香鉀皂,你的是熱制法還是冷制法 ?

[引用] | 作者 joanne | 21-Aug-07 2:33 PM | [舉報垃圾留言]

[26] Re:

ling :
收到妳既鉀皂馬上用,超...超...超正喎.
佢有無對我既敏感手有幫助, 就唔知, 不過, 洗落又滑, 洗完隻手好似包左d野, 唔會好乾, 而且, 陣香味, 真係好舒服...暫時我比妳...八個叻鴉. 仲有兩個, 就睇下仲會唔會敏感喇. 至於顏色方面, 真係一d都唔介意. 下次俾個黑色既我都唔拘喎.

ling,你喜歡便好了.有無心思思想做鉀皂呀?用來洗碗好方便ga!嘻嘻!我實在係鉀皂的擁護者.專門引人做鉀皂!!

[引用] | 作者雅典娜 | 11-Aug-07 5:52 PM | [舉報垃圾留言]