從當初一頭栽進精油世界開始,已在椰林風情看到不少台灣精油用家對德國油的好評.可能這是德式芳療在台灣流行吧!
但老實講德國油的價錢唔低,香港賣的價錢更瘋狂.內地本來有代理,但係只能送至深圳,我又無大陸戶口過數...思前想後,終於貪方便選咗在台灣訂.至於品牌,我選了oshadhi.(無法啦!divina我真係買唔起!)中價位,比florial略平.味道就正如台灣網所言,florial係起初感覺淡,再慢慢透出來.oshadhi係紥紥實實的.味道較強.原來精油跟該國文化都好相似!
講到訂購過程,好方便好順利.線上刷咭,再寄台灣郵政.四枝底油,六枝精油,百多元港紙就送到家門.包裝就更加不用多說.好企理.一滴油都無漏!不過要說明的是,我所訂的底油並唔係oshadhi而係一間叫油磨坊的德國植物油(oshadhi底油實在太....貴!).我忍唔住先試他們的杏核油(apricot kernel).一打開有清香的杏核味,質地透薄(比法國佬還要薄一點).好喜出望外,因為隻油實在好適合夏天用.
