  |
  
|
不經不覺我都開始咗diy的生涯有三年了.最初儍更更咁,買下了很多無謂嘢.當中都交咗唔少學費.加上咩都唔識亂買一通,於是買了一樽二樽依家唔會用上面的底油.而且有些是已過期或接近過期的.
但以我d咁姑寒的師奶性格,這批底油真是"食之無味,棄之可惜".於是把心一橫,用嚟做皂.但是基於有部份是過期底油,老實講,我只敢用嚟洗衫咋!
因為本來d油是用來diy做cream或lotion,所以都以軟油為主.幾乎說得出的底油都有:
山茶花油/wheatgerm/grapeseed/芝麻油/月見草油/borage seed/rosehip seed/olive/avocado ......因為打算用來洗衫,點都要有少少泡會感覺好d,所以額外加咗200g椰子油"等"番條數.
今次好懶,無咩心機慢慢打.只係開始打幾吓.出去食吓下午茶.回來只見到一堆油喺個煲入面,又打吓.跟住走咗去洗樽.一直到食完飯,打多幾分鐘就收工.昨日臨瞓就直接開小火煑至暖就瞓.今朝見到trace之外,面層仲有點透明tim!
至於製成品....容後再post相啦!
Kiara : 你好呀~ 我係Diy 新手, 我見你訂過台灣個邊既原料, 城乙同香草工貨個邊D 運費點樣? 城乙個度係咪要同佢bargain ga? 其實唔同地方訂既底油係咪質素都會有D唔同?我見台灣個邊訂野真係平好多~ 你有冇訂過nio-trade 呢? 我見呢間幾平下~同埋D 瓶呀~ 工具呀個D 去邊度買平D? 台灣訂返黎係咪唔方便? 我見我見過幾間唇膏管nio 最平, NT5/pc, 係咪有D ... Kiara, 你好!diy真係幾有趣的.你似乎正在找材料做潤唇膏是嗎?你提到的三間公司,我只同城乙和香草工房訂過貨.城乙訂貨的整個過程,我已經post咗出嚟.是經一間本地公司付貨款及運貨.至於香草,係網上刷咭和經台灣郵政運來香港.至於實際的價錢差別,我無比較過.感覺差不多.只是城乙較多做護膚品的原材料.香草就做皂材料較多.視乎你想做哪些東西啦!講到底油質素,這兩間公司的油我只曾用來做皂.用在皮膚,我會選其他公司.至於瓶和工具,有時訂開精油,我會訂少許.但小心空瓶的size唔細,會大幅度影響郵費. |
|
|
您好, |
|
有空也到
