三月初到日本一遊,特意去造訪一下在網上見到的一間雜貨店:大津屋(http://www.ohtsuya.com/).但天意啦!我去果日人哋定休.點知我行行吓,喺上野的亞美橫丁見到另一問(但忘了是什麼名字)的鋪頭.只見鋪掛了手作化妝品材的橫額,咁我當然要入去睇吓啦.只見門口放滿了乾花草茶和不同的煮食油.入面就見到有精油賣.間鋪好細間.最多的是不同種類的油和花草,最後我考慮到個喼無位就只買了一小枝椰子油,乳化蠟和數包粉,計有:薑粉/陳皮粉(即柑皮粉)/橙皮乾/檸檬皮乾/絲粉等.價錢唔算貴.大約是400-500yen一包.絲粉比較貴,印象中要成千yen一包.希望有時間做皂就可以加添這些粉啦!

今次另外買得最多的就是一些香粉.日本因為歷史以來都有薰香的傳統.古代的文人雅士都會焚香,所以有不少的香粉可以買到.下面的四包是藿香/安息香/甘松和乳香.那是我第一天去lalaport買的.後來還買了白檀香和沉香粉.那是我另一個奢想:做incent cones.把這些粉跟我的nd檀香粉混合,味道一定好吸引吧!!

最後,不得不提是最上面的一圖:馬油.我到日本時是他們的冬末春初,天氣依然乾燥.所以會見到有不少有馬油成份的產品.在香港,我曾經在一個diy友好手上試用過她的馬油.動物油果然是名不虛傳的"笠"和厚.但當時香港的天氣都算乾燥,見日本人對馬油咁推祟,就姑且買些回來,還幫朋友另外買了些,自己就買了固體和液狀的馬油.但一直無開封.但回港之後,我試用一下固體馬油.已經略呈半固體狀.但質地好爽,竟然完全唔厚.唔通日本馬係唔同d ?

入咗上野車站,見到有間鋪賣緊日本cypress.d味道又真係比上次喺tokyo-hand買果枝好喎!所以就...d粒粒就打算放喺車.天然香味又有殺虫功效.(但後來喺涉谷tokyo-hands發現價錢差不多,但人家d貨色靚好多!!)